Impadamag ti Department of Migrant Workers (DMW) a maipasidong ti maysa nga overseas Filipino worker (OFW) iti “neck surgery” a nadangran iti Singapore Airlines flight a nakapasar ti nakaro a “turbulence”.
Sigun iti nasao nga ahensia, nagsagrap ti “neck fracture ” ken “back injuries” ti Singapore-based nga OFW gapu paylaeng iti kellaat nga “extreme turbulence” idiay Myanmar idi Martes nu sadinno, sangapulo nga oras dagitoy iti biahe manipod London agingga Singapore.
Malaksid kadagitoy, nagsagrap metlaeng dagiti “migrant worker” iti pannakadangran ti bukot.
Inladawan ti nasao nga ahensia ti kondision ti maysa nga indibdiual a “sensitive” ngem “stable”.
Iti agdama, manarimaan ti pannakisaritada kadagiti miembro ti pamilya tapno mabisita bayat ti panagrekoberna iti maysa nga ospital idiay Bangkok, Thailand.
Sigun kadagiti otoridad ken kas maibasar iti datos, pimmusay ti maysa a nataengan gapu iti maatap a “heart attack” bayat a nasurok 100 nga indibidual ti nadangran pakairamanan ti lima a Pilipino.
Impadamag pay ti Department of Migrant Workers a simmayaaten ti United Kingdom-based Filipina nurse ken ti anak daytoy a 2-anyos ken ti asawana.
Ti maikalima a Pilipino a pasahero, 62-anyos ket na-confine iti intensive care unit (ICU) ti ospital kalpasan a napukawan ti puotna.
Agtultuloy latta ti panagmonitor dagiti doktor iti kasasaad daytoy.
Amin a mausar wenno magastos dagiti naapektaran a pasaheros ket saklawen ti Singapore Airlines.
Ti nasao nga eroplano ket naglugan ti 211 a pasahero ken 18 a tripulante.
