BAGUIO CITY – Sisasagana dagiti opisyales iti aniaman a posible a mapasamak wenno natural a kalamidad a sumangbay.
Sigun kenni Engineer Charles Carame, Local Disaster Risk Reduction & Management Officer, adda ti kooperasyon dagiti babbarangay.
Naiwaras metlaeng dagiti tools and equipments kadagiti babbarangay kas paset ti panagsagana apaman a mapasaran ti kalamidad.
Iti sabali a bangir, sufficient dagiti evacaution centers tunggal barangay kairamanan dagiti kasapulan kas iti tents ken beddings.
Malaksid iti dayta, bambantayan dagiti maseknan ti City Camp Lagoon ken ti Lagoon 2 idiay San Roque kasta met dagiti landslide prone a luglugar tunggal mapasamak ti panagtutudo.
Karamanen a mabambantayan ti Dontogan, Dominican, Atok trail, Quirino Hill ken daduma pay a kabambantayan a lugar ditoy siudad.
Nupay kasta, kinuna ni Engr. Carame a maipatpatungpal ti programa kas iti panangikabil ti landslide early warning systems a makatulong iti panangpredict iti aniaman a kita ti panagreggaay ti daga.
Mangikabkabil pay dagitoy ti tarpaulin tapno makaluban dagiti waterways ken kobkoberanda ti daga ti tulda tapno maprebentaran ti ad-adda pay a panagreggaay daytoy.
