Pakaseknan dagiti otoridad iti siudad ti Baguio ti nabayag nga overcrowded iti Baguio City Public Cemetery, rason nu apay a mapili laengen dagiti mabalin a mangitabun kadagiti pimmusay a kapamilyada sadiay.
Sigun kenni Atty Rhenan Diwas, mangidadaulo ti City Environment and Parks Management Office, numan pay overcrowded ti sementeryo, adu latta dagiti agbebenchmark iti daytoy
Nupay kasta, saan daytoy nga advisable a ma-benchmark gapu iti sitwasyon daytoy iti agdama.
Mainaig iti daytoy, kinunana nga ibirbirukanda iti daga idiay Public Cemetery dagiti indibidual a saan a kabaelan nga itabun dagiti pimmusay a kapamilyada iti pribado a sementeryo.
Malaksid pay iti dayta, kasapulanda a sukimaten nga umuna dagitoy babaen iti tulong ti City Social Welfare and Development Office tapno maipasigurado a dagitoy ket awanan ti kabaelan nga agturong kagiti private cemetery.
