--Ads--
Inaprobaran ti Department of Budget and Management (DBM) ti pannakairuar ti P14 billion para iti regular pension dagiti nagritero a militar para iti bulan ti Hulyo agingga Setyembre, iti agdama a tawen.
Ti pannakaaprobar daytoy ket kas kanayunan iti kiddaw dagiti kameng ti Department of National Defense (DND) ken iti Armed Forces of the Philippines (AFP) General Headquarters.
Impasigurado ni Budget Secretary Amenah F. Pangandaman ti dagus a pannakairuar ti nasao a benipisyo para kadagiti nagretiro a military iti pagilian.
Sigun kenkuana daytoy ket paset ti dedikasyon ti Marcos Administration tapno maaywanan dagiti nagserbi iti pagilian.
Kabayatanna, manamnama met nga agbenipisyo dagiti agarup 139,172 pensioners iti daytoy.//Rose
