![](https://img.bomboradyo.com/baguio/2022/07/THEFT.jpg)
BAGUIO CITY – Napukaw ti maysa a market vendor ti P20-K cash a napaglakoanna kalpasan a tinakaw daytoy dagiti tallo a suspek sadiay Dagupan, Tabuk City, Kalinga itay agsapa.
Maibasar iti report ti pulisya, napasamak ti insidente babaen iti panagtinnulong ti tallo a suspek.
Naamoan a nagpammarang ti maysa a suspek kas kustomer a gumatang ti kurtina ken bed sheets tapno madistorbo na ti biktima.
Nupay kasta, kabayatan ti panagsaludsod ti maysa a suspek iti biktima seknan iti nasao a produkto ket inala ti maika-dua a suspek ti wallet ti biktima a naglaon iti cash bayat a ti maikatlo a suspek ket agwanwanawan iti asideg ti stall.
Gapu iti daytoy, kidkiddawen ni Dagupan Punong Barangay George Esteras ti tulong ti publiko tapno mabigbig ti kinasiasino ti babai a nakasuot ti pink ken yellow pants.
Binallaagan met ni Esteras dagiti umili ti Tabuk City nga agganad ken agalerto dagitoy tapno saanda a magundawayan.
Imbinglay ti punong barangay nga idi metlaeng napan a bulan ket natakaw ti P100,000 a gatad ti appliances manipud iti maysa nga establishemento sadiay Dagupan Centro.