--Ads--
BAGUIO CITY – Pakabuklan a P27.4-million ti gatadna a marijuana plants ti dinadael dagiti maseknan nga otoridad iti nagsina a marijuana eradication dagitoy idiay Mountain Province ken probinsiya ti Benguet itay kanikadua.
Sadiay Mt. Province, pakabuklan a 75,000 a pidaso ti Fully Grown Marijuana Plants nga agbalor iti P15-million ken agarup 100,000 gramo iti dried marijuana leaves ken fruiting tops nga agbalor iti P12-million ti naduktalan idiay Mount Balitoc, Brgy. Saclit, Sadanga.
Sadiay Benguet, agarup 2,000 a pidaso ti Fully Grown Marijuana Plants nga agbalor iti P400-K ti nadiskobre idiay Brgy. Tacadang, Kibungan.
Amin dagiti naduktalan a mula ket naparot ken nauram iti lugar a nakaduktalan dagitoy.
