--Ads--
BAGUIO CITY – Pinarot ken inuram dagiti otoridad ti dumanon P140,000 a gatad dagiti fully-grown marijuana plants iti nagduduma a paset ti Tacadang, Kibungan, Benguet idi kanikadua.
Pinarut dagiti otoridad ti 2,050 a pidaso dagiti fully-grown marijuana plants manipud kadagiti nakaimulaan dagitoy sadiay Sitio Adaway ken Sitio Bagiw sadiay Tacadang.
Pakabulan a 410 square meters ti kalawa dagiti nakaimulaan dagiti iligal a mula.
Naipatungpal ti nasao nga operasyon babaen iti nagtipon a pwersa ti PDEA-Cordillera ken dagiti nagduduma nga unit ti Benguet Provincial Police Office pakairamanan ti Kibungan Municipal Police Station.
Nupay kasta, awan ti nakemmeg dagiti otoridad kabayatan ti nasao nga operasyon.
