--Ads--
KIBUNGAN, BENGUET- Agtultuloy latta ti panangisayangkat iti operasyon dagiti otoridad manipud kadagiti nagduduma a yunit iti Benguet kontral iti iligal a droga.
Gapu iti dayta, nadiskubre ti P60K a gatad ti marijuana seedlings iti maysa a plantasyon idiay Tacadang, Kibungan, Benguet.
Balligi ti nasao nga operasyon babaen iti panangidaulo dagiti otoridad manipud iti 1st Benguet Provincial Mobile Force Company, Kibungan Municipal Police Station, Provincial Intelligence Unit/Provincial Drug Enforcement Unit Benguet Police Provincial Office; Regional Inteligence Division, ken dadduma pay a yunit iti rehiyon Cordillera.
Nupay kasta, awan ti natiliwan dagitoy a cultivator wenno nagmula.
