--Ads--
Manamnama a marisut ti pakaseknan maipapan iti subleasing iti siudad ti Baguio iti kanito a maipatungpal ti market redevelopment.
Daytoy ket sigun kenni Mayor Benjamin Magalong.
Maipalagip a nabayagan a pangpanggepen ti lokal a gobyerno a baliwan ti merkado publiko.
Nu pay kasta, agingga ita ket mapagtaltalannatanan pay laeng daytoy gapu ta nagidua ti kapanunotan ti publiko, daduma ket umanamong bayat a daduma ket saan.
Sigun kenni Mayor Benjamin Magalong, mapagsarsaritaan pay laeng dagiti sumagmamanu a pakaseknan a pakairamanan ti pagpwestoan dagiti maapektaran a vendors.
Kabayatanna, saan nga inlibak ni Magalong a narigat a matiliw dagiti subrenter gapu ta awan ti mang-aklon iti daytoy.//Bombo Jerwin Aquino
