Insayangkat ti Tourist Police Unit ti panagwanawan kadagiti nagduduma a pagpasyaran iti siudad kalpasan ti nagtrending a ladawan dagiti menor de edad sadiay Rose Garden itay nabiit.
Iti panakiyuman ti Bombo Radyo Baguio kenni Police Captain Carlos Puguan Jr. , Deputy Chief Baguio City Police Office- tourist police unit, imbagana nga nangisayangkat ti tourist police unit ti panagwanawan kadagiti nagduduma a lugar tapno iti kasta ket saanen a maulit pay ti nasao nga PDA nangruna ta ado dagiti agpaspasyar nga ub-ubbing iti nasao a pagpasyaran.
Sigun pay kenni Puguan, manarimaan pay laeng ti imbistigasyonda ti kinasiasino dagiti menor de edad.
Kabayatanna, inlawlawag met ti opisyal nga addan ti proposed nga ordinansa iti PDA nu sadinno maibasar iti daytoy mabalin a mamulta ti P500 iti umuna nga offense, P1k para iti maikadwa nga offense ken P2K para met iti maikatlo nga offense.
Nagballaag pay ti opisyal nga awan ti malaksid iti nasao nga ordinansa uray pay dagiti nataengan nu maimatangan dagitoy ket dagus a maiturongda iti opisna ti Toursit Police Office para iti umno a dokumentsyon.
Kabayatanna karaman kadagiti maiparit iti nasisingasing nga ordinansa ti Kissing, Licking, Necking, ken lying down together.
Malaksid iti daytoy impaganetget pay ti opisyal nga agtultuloy latta ti panangipatungpal ti TPO dagiti ordinansa iti siudad karaman iti Anti Smoking, Littering, Spitting, traffic ordinances ken dadduma pay nu sadinno imbalakadna kadagiti amin nga bisita nga agturong ditoy siudad ket sumurot iti daytoy tapno maliklikan dagiti multa a maipaay kenkuada.
