BAGUIO CITY – Nabakunaan ti 79 porsiento kadagiti ubbing iti Baguio City kontra iti Measles-Rubela ken Oral Polio.
Sigun iti City Health Services Office, nabakunaan kontra iti kamuras ti 23,799 nga ubbing bayat a 27,982 nga ubbing ti nabakunaan kontra iti oral polio.
Nupay kasta, maur-uray pay ti pinal a datus dagiti nabakunaan nga ubbing manipud kadagiti health districts iti siudad.
Naipatungpal ti Measles-Rubela Oral Polio Vaccine Supplemental Immunization Activities manipud Oktubre 25 aginggat Nobiembre 30.
Maibilbilang ti Measles-Rubella ken Polio kas maysa kadagiti kangrunaan a sakit dagiti ubbing ngem mabalin a maliklikan dagitoy babaen iti bakuna.
Sigun kadagiti opisial ti Baguio City, napateg ti amin nga ubbing isut gapuna a karbenganda ti mabakunaan kontra iti nagduduma a sakit.
