--Ads--
Agtultuloy latta ti panagregget dagiti otoridad tapno mapaksyat dagiti aniaman nga illegal a droga ken dadduma pay a krimen iti rehiyon Cordillera.
Gapu iti daytoy, balligi a nadiskubre ti aggatad iti P240,000 a fully grown marijuana plants idiay Sitio Liblibo, Kayapa, Bakun, Benguet.
Nagresulta ti operasyon iti pannakadiskubre dagiti dua a plantasyon ti marijuana iti communal forest nga addan iti kalawa a 120 square meters.
Pakabuklan met a 1200 a pidaso ti nasao a mula ti pinarut ken inuram dagiti otoridad iti nasao a plantasyon.
Nupay kasta, awan ti natiliwan dagitoy a cultivator wenno nagmula.
