--Ads--
BAGUIO CITY- Maal-alarma ita ti lokal a gobierno iti ngumatngato a bilang ti insidente ti ‘MAKIKITAWAG PO’ a modus iti panagsnatch ti cellphone iti Baguio City.
Sigun iti mayor ti siudad, maysa a wagas dagiti perpetrators ket kumbinsarenda dagiti biktima tapno maipalubos a makiawagda iti cellphone wenno ikabilda ti sim card iti cellphone ti biktima.
Nupay kasta, kalpasan daytoy ket itaray dagiti perpetrators ti cellphone ti biktima apaman a maipama kadakuada.
Gapu iti daytoy, ibalballaag ti mayor ti panagridam ti publiko kontra iti “makikitawag po” modus tapno saan a matakaw ti cellphone wenno daduma pay a kagawaan.
