Addan iti 65% completion ti pannakaaramid ti rock shed idiay Kennon Road, sigun kenni Regional Director ti Department of Public Works and Highways (DPWH)-Cordillera Khadaffy Tanggol.
Sigun kenni Tanggol, nalpasen ti pavement nga adda kinapuskolna a maysa a metro kasta met ti mountain side daytoy bayat nga agdama a maar-aramid ti columns ti river side daytoy.
Manamnama a nu malpas ti panakaaramid ti columns iti river side ket sumaruno ti panakaaramid ti bubong daytoy
Ngem nupay kasta, nu marugyan ti ngato a paset ti rock shed, manamnama a maiparekep ti kennon road iti agarup dua a bulan.
Mainaig iti daytoy, manamnama a makumpleto ken maileppas ti construction iti rock shed ti Kennon Road iti maudi a paset ti bulan ti Setyembre iti agdama a tawen
Impasigurado met ni Director Tanggol a kumpleto ti manpower iti construction ken agtultuloy latta ti panagtrabaho dagitoy uray adda ti mapasamak a panagreggaay iti lugar
Kalpasan ti rock shed, posible nga adda pay ti sumaruno a construction kadagiti dadduma pay a paset ti Kennon Road.//Bombo Jez Lapizar
