Umap-apela dagiti sumagmamano a grupo iti indibidwal kenni President Ferdinand Marcos Jr. nga ikkatenda ni Teodoro Herbosa kas secretary iti Department of Health(DOH).
Daytoy ket kasaruno dagiti maatap nga anomalya iti nasao a departamento a naipila itan a kaso iti Office of the Ombudsman.
Iti surat nga insumitir dagiti maseknan nga indibidwal, impeksada ti “public worry” iti maatap a “penchant for peddling influence” ni Herbosa iti baet a naipilan ti kaso kontra kenkuana iti ombudsman.
Malaksid iti presidente, kapada metlaeng nga apela ti naipaay kenni Ombudsman Jesus Crispin Remulla para iti panakapapartak iti imbestigasyon ken panakarisut dagiti kaso.
Karaman kadagiti kaso a nadakamat iti surat ti maatap a panangipila dagiti maseknan nga empleyado ti DOH iti graft ken posible a panaglabsing ni Herbosa iti government procurement laws.
Kagiddan ti apela ti grupo, impeksada ti panakadismaya dagitoy iti nabuntog a panagtignay iti presidente ken ti ombudsman iti kaso ni Herbosa.
