Impeksa ni Department of Justice (DOJ) Secretary Jesus Crispin Remulla a saan a “big deal” ti panakaikkat ti walo pulo ket lima (75) a police bodyguard ni Vice President Sara Duterte agsipud ta addaan pay daytoy iti 320 a security personnel.
Sigun kenni Remulla, ad-adado pay daytoy nu idilig iti bodyguard ni President Ferdinand Marcos Jr.
Immuna met nga imbaga ni Vice President Duterte a political harassment ti nagbalin nga aksyon ni Philippine National Police chief Police General Rommel Francisco Marbil iti panag-ikkat iti bodyguard daytoy.
Kabayatanna, kinuna ni Marbil a dagiti pulis ket rumbeng a maideploy a nasayaat tapno magun-od ti police to people ratio a 1:500 wenno maysa a pulis para iti lima gasut nga indibidual kasta met a tapno mas maikkan iti seguridad dagiti addaan iti dakkel a pangta iti biyag.
Nu pay kasta, impeksa ni Marbil a maipapaayan iti top-tier security services ni Vice President Duterte.
