BAGUIO CITY – Inaklon ni Patricio Evangelista – dadaulo ti Liga ng Transportasyon at Operators sa Pilipinas – Cordillera & Region 1 a mabuteng dagitoy ken dagiti sumagmamano a jeepney driver ken operator iti posible a panakapukaw ti panggedanda nu saan dagitoy nga agpaconsolidate.
Iti interview ti Bombo Radyo kenni Evagelista, manarimaan ti panangikamakam dagiti jeepney drivers ken operators a makipaset iti korporasyon dagitoy kasta met ti panangiyakarda kadagiti nasurok sangapulo ket walo nga umakar iti sabali pay a korporasyon weno kooperatiba.
Sigun kenni Evangelista, saan a kontra dagitoy iti Public Utility Vehicle (PUV) Modernization Program ngem dua nga elemento ti saan a kankanunungan dagiti drivers ken operators pakairamanan ti consolidation ken ti ideya ti panakaphase-out dagiti traditional jeepneys.
Nupay kasta, inlawlawag ni Evangelista a naadaldan ti nakalanad iti nasao a programa nu sadino saan a sapasap a maphase-out dagiti traditional jeepneys laketdi, pumasa dagitoy iti roadworthiness evaluation.
Agtultuloy met ti panag-apela dagitoy a saan a minibus ti maisukat kadagiti traditional jeepneys kagiddan ti panangipaganetgetda iti panangsuporta kadagiti lugan a naaramid iti pagilian partikular iti rehion Cordillera.//Bombo Rob Dominguez
