BAGUIO CITY – Napateg ti panangipangpangruna iti kinatalged dagiti atleta bayat ti panakipasetda iti aniaman nga sports activities/events wenno panag-ensayo dagitoy.
Iti interview ti Bombo Radyo kenni Johnrey Mananeng, President ti Sagguniang Kabataan Federation – Baguio, ti resolusyon nga insurat ni Councilor Betty Tabanda ket maitunos iti Ordinance no. 47, series of 2021 wenno Sports Code ti siudad.
Nu sadino bayat ti training dagiti atleta ket adda ti nakasagana wenno naka-standby a medical practitioner ken panakaisayangkat ti sports medicine, psychology, nutrition ken phycial fitness evaluation kadagiti amin nga atleta nga idadauloan ti Emergency Medical Services, City Disaster Risk Reduction and Management ken City Health Services Office.
Ikobkober pay ti resolusyon ti private ken public sports events nu sadino addaan kuma daytoy ti uray maysa a medical practitioner wenno first aider tapno dagus a maresponde ti emerhensiya.
Mainaig iti dayta, pangpanggepen dagitoy a mangipatungpal ti Sports Summit a mangkober iti Sports Code, Basic First Aid ken Basic Medical Response para kadagiti coaches.
Kinuna ni Mananeng a nasayaat metlaeng nga adda ti basic a panakaammo dagiti coaches wenno person in charge iti sports seknan kadagitoy a bambanag.
Malaksid iti dayta, kitkitaenda ti panakaikabil dagiti staffs kadagiti sports office partikular iti Athletic bowl para iti dagus a panagresonde iti aniaman a kita ti emerhensiya.
