Agtultuloy ti panangipatungpal dagiti otoridad iti case conference sadiay Camp Major Bado Dangwa, La Trinidad, Benguet seknan iti ipupusay ni sigud a Department of Public Works and Highways Undersecretary Maria Catalina Cabral.
Maipalagip a naipatungpal ti reenactmnet iti nakapasamakan metlaeng ti insidente sadiay Kennon Road, Camp 4, Tuba, Benguet idi Disyembre 21, 2025.
Iti panakiuman ti Bombo Radyo kenni Baguio City Mayor Benjamin Magalong, binaybay-an wenno intedda ti imbestigasyon iti Philippine National Police no sadino suportado metlaeng daytoy ti National Bureau of Investigation (NBI).
Impettengna a ti Regional Peace and Order Council ket adda laeng iti “sideline”
Kinunana pay a saan dagitoy a makibiang gapu ta daytoy ket maysa a sensitibo nga isyu.
Kabayatanna, maur-uray mettenen ti resulta ti imbestigasyon ngem kinuna ti mayor a nangipaay dagitoy iti guidance iti panangipatungpal iti autopsy.
Daytoy ket gapu kadagiti adu a rumrumuar a kontrobersyal seknan iti nasao a banag.
Kagiddan dayta, impetteng ti mayor a nagbalin a naannayas ti imbestigasyon.
Sigun kenkuana, awan ti nakita dagitoy nga aniaman no sadino adu laeng dagiti agar-agaramid iti storya a nakairamanan pay ti naganna.
Iti sabali a bangir, kinuna ti mayor nga adda kadagiti opisyales ti Independent Commission for Infrastructure ti sumaruno nga aksyon dagitoy kasaruno ti agsasaruno a panaglosulos wenno pannakakissay ti grupo dagitoy.
