BAGUIO CITY -Umap-apela ti Comelec Cordillera kadagiti nangipila ti Certificate of Candidacy (COC) iti kaleppas nga May 9 National ken Local Elections ti panangisubmitirda ti Statements Of Contributions and Expenditures (SOCEs) dagitoy sakbay t deadline.
Iti interview ti Bombo Radyo Baguio kenni Comelec CAR Deputy Spokesperson Atty. John Paul Martin, kinuna nga obligasyon dagiti nagkindidato nga isubmitir ti amin, umno ken itemized nga SOCE dagitoy wenno dagiti nagatosda kabayatan ti panagkakampanya.
Kidkiddawenna a saan koma nga urayen dagiti kandidato ti Hunyo 8 nga deadline ti submission malaksid nga dagiti dokumento a makiddaw ken saan pay a mailaylayon ti deadline.
Imbalaagna pay nga adun dagiti kandidato a naikkat iti pwesto ken namulta gaputa saanda nga nangipila ti SOCE dagitoy kalpasan ti eleksion.
Inlawlawagna nga 3 a surat wenno pakdaar ti maawat ti tunggal kandidato seknan ti pakangipila ti SOCE manipod iti election officer, provincial election supervisor ken ti Comelec Central Office isunga adda ti pawayway ken panawen a nagsagana dagiti kandidato.//
