Nagpalagip ti Department of Health (DOH) iti publiko nga agridam kontra kadagiti lamok a carrier iti dengue virus kagiddan ti panagsarungkar kadagiti sementeryo ita a Todos Los Santos.
Malaksid iti dayta, maibalbalakad metlaeng ti panangliklik kadagiti uram nangruna nu adda dagiti nasindian a kandila.
Nalpas metten a nangipablaak ti nasao nga ahensya kadagiti sumagmamano a video a mangpalagip kadagiti umili iti panagaramat kadagiti protective clothing.
Sigun iti eksperto, nasaysayaat ti panagsarungkar kadagiti kampo santo iti aldaw gapu ta ad-adda nga aktibo dagiti dengue-carrying mosquitoes iti 6:30 agingga 8:30 iti agsapa ken 3:30 iti malem agingga to 5:30 iti sardam.
Maipalagip nga itay laeng nabiit ket impaisidong ni Health Secretary Teodoro Herbosa ti nasao nga ahensya iti Code White alert status kas panagsagana kadagiti health-related incidents a posible a mapasamak iti panakaobserbar iti All Saints’ Day ken All Souls’ Day.
