--Ads--
Imbilin ni President Ferdinand Marcos Jr., kadagiti ahensya nga addaan iti kontrata iti gobierno tapno maaramat dagiti private trucks dagitoy kas panagresponde kadagiti indibidual a possible a maapektaran iti typhoon Nika.
Pakairamanan daytoy dagiti private contractors manipud iti Department of Public Works and Highways ken iti Department of Transportation.
Sigun kenkuana, naibilin daytoy rason a nakapre-position kuma dagitoyen para iti panangipatulod kadagiti relief goods ken dadduma pay.
Nangipayulog metlaeng ti presidente iti pammilin iti Department of Interior and Local Government tapno dagus dagitoy a mangipaulog iti direktiba para iti pannakasuspinder kadagiti klase dagiti estudyante.
