BAGUIO CITY – Insingasing ti La Trinidad Municipal Health Office ti pannakaipasdek ti quarantine facility kadagiti babbarangay sadiay kasaruno ti agtultuloy a pannakailista dagitoy iti kaso ti COVID-19.
![](https://img.bomboradyo.com/baguio/2020/07/250px-Ph_locator_benguet_la_trinidad.png)
Sigun ken municipal health officer Dr. Antonette Agpas, nasken a maisagana ti isolation/quarantine facility sadiay gaputa manamnama nga adu ti locally stranded Individual ken returning OFWs nga agawid inton sumaruno a bulan.
Inayonna a kasapulan ti municipyo ti pasilidad nangruna ta in-inot a maluklukatan dagiti tourist destinations ken sinumrekken ti UK variant iti masakupan dagitoy.
Inlawlawagna a nasaysayaat no nakasagana dagiti quarantine facilities sadiay tapnu maipasigurado nga adda ti pakaiturongan dagiti indibidual a makaptan iti COVID-19.