Ad-adalen paylaeng ti City Council ti pannakailaksid ti number coding scheme kadagiti senior citizens iti siudad iti Baguio.
Iti pannakiuman ti Bombo Radyo kenni Councilor Elmer Datuin, Chairman ti Committee on Social Services, kinunana a sinukatan ni Mayor Benjamin Magalong ti desisyonna a pannakaipatungpal daytoy.
Kinunana a saanen a mapan iti City Council ti executive order daytoy agsipud ta pangpanggependa a mangipatungpal paylaeng iti experimental method.
Sigun kenkuana, maipatungpal ti experimental method iti 60 nga aldaw ngem iti kanito a malpas daytoy ket maangay ti evaluation no maituloy ti nasao nga ordinansa wenno saan.
Narigat metlaeng a ma-enforce daytoy agsipud ta saan nga ammo dagiti enforcers no pudno metlaeng ti ibaga dagiti senior citizens no anya ti pagturunganda.
Innayonna pay nga urayen ti publiko no aniaman ti desisyon ni Mayor iti daytoy.
