Isaksakad iti Watershed and Water Resources Research, Development, and Extension Center (WWRRDEC) ti pannakakonserba ken pannakapasayaat wenno rehabilitasyon iti mossy forests iti rehion Cordillera.
Sigun kenni WWRRDEC head Minda Odsey, napagsaritaandan ti nasao a banag iti Department of Environment and Natural Resources Cordillera (DENR-CAR) ti posible a pannakaimplementar ken pannagipaay iti pondo para iti proyekto.
Panggep iti proyekto a maisubli ti kasasaad dagiti kabakiran, mapasayaat, maimanehar a nasayaat ken mapaadu dagiti agpegpeggad a Philippine oak.
Saklawen daytoy ti panagadal kadagiti kabakiran ken panangdokumento kadagiti tradisional a pannakaamo kadagiti komunidad.
Puntiria a maipatungpal ti proyekto kadagiti lugar a kas iti Mt. Pulag at Mt. Data.
Mangnamnama ti nasao nga ahensia a makaala iti pondo ken suporta para iti panangimplementar.
