Mangrugi ita nga aldaw ti Phase 1 iti experimental implementation iti panakailaksid dagiti senior citizen iti Number Coding Ordinance iti Baguio City.
Iti Phase 1 ti Executive Order No. 82, Series of 2024, mailaksid dagiti pribado a motor vehicles nu senior citizen ti 𝙙𝙧𝙞𝙫𝙚𝙧 daytoy ken agpaut agingga inton October 18.
Dagiti bigbigbigen ti nasao a pagannurutan a mailaksid iti daytoy ket dagiti agtawen ti innem a pulo(60) agpangato.
Limitado laeng daytoy nu ti destinasyon dagiti senior Citizen ket kadagiti pagagasan ken kadagiti panggedan wenno pagubraanda.
Para iti medical purposes, masapol a maipakita ti anyaman a Valid ID wenno ID a mangpaneknek a residente ti Baguio City, Senior Citizen Status, documentary proof/s kadagiti medical appointments wenno check-ups.
Para met kadagiti work purposes, masapol ti Valid ID wenno ID a mangpaneknek a residente ti Baguio City, Senior Citizen Status, ken lugar ti pagtatrabahuan daytoy.
Kabayatanna, mangrugi paylaeng met ti Phase 2 iti nasao nga addang inton October 22 nu sadino, mailaksid iti number coding dagiti motor vehicles, pribado wenno taxi units nu ti senior citizen ket 𝙥𝙖𝙨𝙖𝙝𝙚𝙧𝙤, mapalubusan dagiti nasao a lugan nupay saan a senior citizen ti driver dagitoy.//Bombo Rob Dominguez
