Nagballaag ti Philippine Institute of Volcanology and Seismology (PHIVOLCS) iti publiko kontra kadagiti fake news maipapan iti napasamak a magnitude 7.8 a ginggined idiay Sarangani idi napalabas a lawas.
Karaman kadagiti fake news nga imbinglay ti ahensia ket ti mapapati a pannakapasamak iti magnitude 8.2 a ginggined iti eksakto nga oras no sadino impetteng ti nasao nga ahensya nga awan pay ti teknolohia a makaibaga iti eksakto petsa ken oras ti ginggined.
Kasta met a pinalibakan iti ahensia ti sayangguseng a ti ginggined ket intunda ti volcanic eruptio iti maysa pay aa bulkan iti sirok ti Sarangani Bay.
Inlawlawag ti PHIVOLCS nga dagiti bittak iti bantay ket dagiti maaw-awagan a tension crack a mabalin a pakaigapuan ti panagreggaay ti daga ken dagiti bittak iti igid iti baybay ken karayan ket maawagan met a lateral spread cracks a resulta ti liquefaction ken inactive faults.
Kabayatanna, nagballag ti ahensia a saan a basta mamati kadagiti maiwarwaras nga impormasion ken agala laeng iti update manipud iti official website ken online accounts ti DOST-PHIVOLCS. //Bombo Khey