Abra- Agpatpataming ita ni Pigidan, Abra Vice Mayor Noel Bisares kalpasan a nagsagrap ti nakaro a pannakadangran gapu iti pannakapalpaltugna idiay Barangay Pamutic ita nga aldaw ti agsapa, sigun iti Police Regional Office – Cordillera (PROCOR).
Maibasar iti police report ti Police Regional Office – Cordillera (PROCOR), agarup 8:30 ti agsapa, nakatugaw ni Bisares iti uneg ti maysa nga establisimiento ti construction supply idi kellaat a simmangpet dagiti nangaramid ti pammaltog a nakalugan iti motorsiklo.
Bimmaba ti backrider nga addaan iti orange cap manipud iti motorsiklo, simrek iti establisimiento, ket pinaltoganna ti bise mayor iti sumagmamano a daras a nakadangran iti makannawan a takiag ken abaga daytoy.
Kabayatanna, manarimaan metten ti pannakaisayangkat ti hot pursuit operations tapno mabigbig ken matiliw dagiti suspek.
Manarimaan metten ti dragnet ken checkpoint operations iti nasao a lugar.
