--Ads--
Nagballaag manen ti Philippine government kadagiti Pilipino sadiay Nepal nga agtalinaed dagitoy kadagiti pagtaenganda kasaruno ti protesta sadiay.
Gapu iti dayta, maiyunay-unay a saan paylaeng a rumuar dagitoy ken suruten dagiti safety ken security instructions dagiti local authorities kasta metten nga iobserbar ti curfew ken agannad.
Kagiddan dayta, nainget nga imonmonitor ti Department of Foreign Affairs, babaen iti embahada sadiay New Delhi ti sitwasyon dagiti Filipino sadiay.
Awan met ti naipadamag a nadangran a Pilipino bayat ti protesta sadiay.
Maipalagip a dumanon metten iti 22 nga indibidual ti pimmusay bayat a dinos-dosena ti nadangran iti protesta a nangitunda iti panakauram ti main administrative building.
