BAGUIO CITY- Dumanon iti pito a Public Utility Bus (PUBs) ti saan a napalubosan a nagbiahe kabayatan ti eleksyon bayat a naasistaran ti nasurok 436 a pasahero.
Babaen daytoy iti implementasyon ti OPLAN BIYAHENG AYOS: National and Local Elections 2022 a programa ti Land Transportation Franchising Regulatory Board (LTFRB).
Sigun kenni LTFRB-Cordillera Regional Director Lallaine Sobremonte, nasitar dagiti driver gapu iti kinakurang ti special permit dagitoy ken naduktalan nga adda ti depekto ti bus nga imanmaneho dagitoy.
Ti pito a bilang dagiti bus a saan a napalubosan a nagbiahe ket nababbaba nu idilig iti tallo pulo a bilang dagiti pampasahero a lugan a saan a napalubosan a nagbiahe kabayatan ti semana santa.
Ti oplan halalan 2022 ket naiyuswat tapno matulongan ti pagkasapulan dagiti parapubliko a transporasyon gapu iti kinaado dagiti pasahero nga agawid iti nagtaudanda a probinsia.
Nangrugi ti implementasyon daytoy idi Mayo 6 agingga Mayo 11 ti agdama a tawen.
