Naipakaamon dagiti nagduduma a playing venues para iti umadanin a Cordillera Administrative Region Athletic Association (CARAA) Meet 2025.
Para kadagiti ay-ayam nga athletics, softball, lawn tennis, swimming, volleyball secondary, boxing ken paragames ket maangay iti Benguet Sports Complex.
Naituding met a ti muay thai, baseball, basketball 3×3 secondary ken elementary, ken futsal ket maangay iti Benguet State University; ti table tennis ken ti volleyball elementary ket iti Benguet Provincial capitol; ti taekwondo ket iti DepEd regional office covered court; ti sepak takraw ket iti Tacdian Elementary School; ti wushu ket iti Tublay municipal gymnasium; ti wrestling ket iti Irisan National High School; ti arnis ket iti Tublay shool of Home Industries; ti billiards ket iti Balao building; ti chess ken lawn tennis ket iti Benguet Provincial engineering office; weightlifting ket iti Benguet Provincial DRRMO; ti Basketball 5×5 secondary ken dance sport ket iti Cordillera Career Development College; badminton ket iti San Jose Highschool; ken ti pencak silat ket iti Paoad Elementary School.
Kabayatanna, dagiti ay-ayaman a maangay iti siudad ti Baguio ket ti Archery sadiay Melvin Jones Grand Stand; ti football ket iti Baguio Athletic Bowl; ken ti gymanastics ket iti Baguio City National High School.
Para ita a tawen, ti host iti Cordillera Administrative Region Athletic Association (CARAA) Meet 2025 ket ti probinsya ti Benguet ken daytoy ket maangay inton February 22-28, 2025.
