BAGUIO CITY – Inlawlawag ni PMaj. Bulcio a kasapulan nga ikkaten dagiti police personnel dagiti unauthorized tattoo da a makitkita iti bagi da bayat a nakauniporme dagitoy.
Kinunana nga adda ti polisiya ti opisina ken nu saan nga agtungpal dagitoy ket mabalin a sumango da iti administrative charge babaen iti umno a proseso.
Innayona met a manarimaan ti consolidation tapno maammoan ti bilang dagiti kameng dagitoy nga addaan ti tattoo.
Agpalpalagip ni PMaj. Bulcio kadagiti agtarigagay a sumrek iti propesyon a karaman daytoy iti screening ken maiparit ti tattoo.
Dinakamatna met a mabalin nga adda ti tattoo laketdi saan a makitkita bayat a nakauniporme dagitoy.//Bombo Marinel Rodrigo