Inlawlawag ni Councilor Elmer Datuin, Chairman ti Committee on Social Services, Women and Urban Poor nga amin a barangay iti siudad ti Baguio ket addaan ti pondo para iti Tulong Panghanapbuhay sa Ating Disadvantaged/Displaced Workers (TUPAD) ken Ayuda sa Kapos ang Kita Program (AKAP).
Daytoy ket kalpasan ti reklamo dagiti residente nga awan ti pondo a naipaay iti sumagmamano a barangay ti siudad.
Iti panakiuman ti Bombo Radyo kenkuana, impeksana a saan nga amin a residente ti siudad ket maipaayan iti ayuda nangruna ta agkurkurang paylaeng ti pondo ti gobyerno.
Gapu iti dayta, dagiti laeng maipaayan ti ayuda ket dagiti agkasapulan kas maibasar iti datus ti Department of Social Welfare and Development (DSWD) ken Department of Labor and Employment (DOLE).
Kabayatanna, inyunay-unay ni Datuin a dagiti ayuda a maaw-awat ket saan a nagtaud kadagiti politiko nu diket nagtaud iti pondo ti gobyerno.
Innayona pay a saan a mairekrekomenda ti panakipaset dagiti politiko kadagiti panakaiwaras dagiti ayuda nupay kasta mabalin dagitoy a mangipaay iti welcome remarks.//Bombo Mera Pacpacan
