Naarestar ti dua a lallaki iti naipatungpal a buy-bust operation idiay Lubas, La Trinidad, Benguet idi laeng rabii.
Pakairamanan daytoy iti agtawen iti 41 a porter manipod Lubas,La Trinidad ken agtawen iti 34 a maysa a construction worker ken residente met iti Pico,La Trinidad.
Nakumpiskar manipod kadakuada ti uppat a pakete iti maatap a shabu nga agdagsen iti agarop 2.29 a gramo ken addaan pakabuklan a balor a ₱15, 572.00.
Malaksid iti dayta, nakumpiskar metlaeng manipod kadakuada dagiti non-drug evidence kas iti uppat a piraso iti boodle money , genuine peso bill, ken maysa a cellular phone(keypad).
Dagiti suspek ket naiturongen iti La Trinidad Municipal Police Station ken manamnama a sumango dagitoy iti kaso a panaglabsing iti Comprehensive Dangerous Drugs Acts of 2002.
Kabayatanna, naballigi ti nasao nga operasyon babaen iti nagtitipon a pwersa dagiti kameng iti La Trinidad Municipal Police Station, Provincial Intelligence Team Benguet-Regional Intelligence Unit 14 (PITBENGUET-RIU14) , Provincial Drug Enforcment Unit/Provincial Intelligence Unit-Benguet, ken ti Philippine Drug Enforcement Agency-Cordillera.//Bombo Noveh Organo
