--Ads--
Bimtak ken dandani nangitunda iti uram ti power bank a naicharge ti uneg ti Bills and Index Bureau iti pasdek ti Senado idi kalman.
Sigun iti electrical department iti Senado, posible a nag-overheat ti nasao a power bank rason a bimtak.
Naduktalan met a naisaksak daytoy iti extension cord.
Dagus met a naaramat ti fire extinguisher para iti panakalapped ti uram a posible nga intunda daytoy.
Maipalagip nga idi November 2025 ket napasamak metlaeng ti uram iti maikatlo a kadsaaran ti Senate building.
