Dinutukan manen ni President Ferdinand Marcos Jr. ni Hans Leo Cacdac kas dadaulo wenno ad interim Secretary ti Department of Migrant Workers.
Daytoy ket maysa nga aldaw kalpasan a na-bypass ti pannakadutokna gapu ta in-adjourned ti Kongreso dagiti sessions sine die.
Sigun iti Presidential Communications Office (PCO), ti pannakadutok manen ni Cacdac ket mangiparparangarang ti agtultuloy a panagtalek manen ni Pres Marcos kadagiti opisial.
Maipalagip nga itay kanikadua (May 23), naitantan ti maikadua a regular session ti 19th Congress ti “sine die” a rason iti Commission on Appointments (CA) — a buklen dagiti kameng ti Senado ken ti House of Representatives a nabilin a mangi-screen kadagiti presidential appointees— a rason met ti pannakaitantan ti pannakdutok ni Cacdac.
Immuna a kinuna ti chairman iti Commission on Appointments a ni Senate President Francis Escudero a na-bypass ti pannakadutok ni Cacdac ken kasapulan a madutukan manen babaen iti Presidente.
Manamnama nga agtaripnong dagiti mammanday-linteg inton Hulio 22 tapno marugyan ti maikatlo a regular session ti Kongreso.
Kabayatanna, pinagyamanan met ni Cacdac ti presidente gapu iti pannakadutokna tapno agserbi manen kadagiti Pilipino.
