Imbilin ni President Ferdinand Marcos Jr. iti House of Representatives ita nga aldaw a kasapulan a maakomodar dagiti indibidual a makinkayat a makipaset iti State of the Nation Address daytoy inton Hulio baente dos, iti agdama a tawen.
Daytoy ti inwaragawag ni House Secretary General Reginald Velasco.
Sigun kenni Velasco, nakipagsinnarita daytoy kennni President Marcos idi kalman nu sadinno, dinakamatna a kasapulan a maakomodar amin a tattao.
Kinuna pay ni Velasco a nasurok dua ribo nga indibdiual manipod iti gobierno, iti pribado a sektor ken non-government organizations ti nangkumpirmar a makipasetda iti SONA.
Ngem nupay kasta, ti seating capacity ti session hall ket dumanon laeng iti dua ribo.
Nasurok dua ribo metten ti naipaay nga imbitasion pakairamanan ti maysa kenni Vice President Sara Duterte, ngem saan paylaeng nalawag a makipaset daytoy.
Naimbitaran metlaeng dagiti sigud a presidente, bise presidente, senate presidents ken house speaker.
Iti agdama, ad-adalaen ti inter-agency committee ti nasaysayaat a seating plan iti session hall para iti nasao a programa.
