Inlawlawag ni President Ferdinand ”Bongbong” Marcos Jr. ti rason iti panangpilina kenni Baguio City Mayor Benjamin Magalong kas special adviser iti Independent Commission for Infrastructure a mang-imbestigar kadagiti naanomalyaan a flood control projects.
Sigun kenkuana, nabayagen a nagserbi kas imbestigador daytoy no sadino daytoy ti nang-imbestigar iti Mamasapano incident idi 2015.
Kinunana nga adu ti maitulongna iti imbestigasyon nangruna ket sigud a police officer daytoy.
Sigun kenkuana bayat ti panagbisitana iti siudad ti Baguio ket dagus nga impakaammo ti maysa a report seknan iti flood control project.
Innayonna nga addaan daytoy iti dignidad ken nakitana a napintas nga imbestigador daytoy nangruna ket detalyado ken napintas ti report ti nasao a mayor.
Kabayatanna, inlawlawagna metlaeng ti rason no apay a saan a nairaman iti Independent Commission for Infrastructure (ICI) ti National Bureau of Investigation (NBI) ken ti Philippine National Police.
Impettengna a daytoy ket gaputa karaman dagitoy iti gobierno.