--Ads--
Adda ti bumabaan ken ngumatoan ti presyo dagiti produkto a petrolyo inton bigat, Abril a dos.
Maibasar iti waragawag dagiti kompanya ti lana, bumaba ti presyo ti tunggal litro ti diesel iti P0.60 ken bumaba met iti P1.05 ti tunggal litro ti kerosena.
Kabayatanna, ngumato met ti presyo ti tunggal litro ti gasolina iti P0.45.
Kabayatanna, inwaragawag met dagiti distributors ti liquefied petroleum gas (LPG) a bumaba ti presyo ti produkto dagitoy inton bigat.
Sigun iti Regasco, bumaba ti presyo ti tunggal kilo ti liquefied petroleum gas dagitoy iti P0.30.
Sigun met iti Petron Gasul, P1 met ti bumabaan ti tunggal kilo ti liquefied petroleum gas dagitoy.
