--Ads--
Nagdoble ti presyo dagiti sabong iti Dangwa flower market sadiay Metro Manila, uppat nga aldaw sakbay ti Valentine’s Day.
Magatang itan dagiti local ken imported a rosas ken tulips iti P80 agingga P100 tunggal pidaso bayat a dagiti stargazer ket magatang itan manipud iti P180 agingga P200.
Malaksid iti dayta, magatang ti carnation bouquet iti P800, bayat a dagiti babassit a rosas ket magatang iti P35 tunggal pidaso.
Sigun kadagiti vendors sadiay ti panagngato dagiti sabong ket gapu iti nangato a demand manipud kadagiti customers ken ti metlaeng nangato a presyo manipud kadagiti suppliers.
Kabayatanna, manamnama met nga ad-adu pay dagiti customers kadagiti flower shops sadiay mangrugi inton merkulis agingga inton Valentine’s Day.
