Naipasidong ti probinsya ti Mountain Province iti state of calamity gapu paylaeng iti agtultuloy a panagngato ti kaso ti dengue.
Daytoy ket gapu iti agtultuloy a panagngato ti kaso ti dengue iti munisipyo ti Bontoc no sadino dumanon daytoy iti 219 a kaso kas maibasar iti kaudian a datos sadiay.
Nailista ti Barangay Samoki ken Guina-ang kas addaan iti kaaduan a bilang ti nasao a sakit.
Maibasar iti datos, ngimmato ti nasao a sakit sipud pay bulan ti Mayo iti agdama a tawen ngem ad-adda a ngimmato daytoy idi laeng napalabas a bulan.
Gapu iti daytoy, ad-adda ti panagregget dagiti maseknan nga opisyal iti nasao a munisipyo rason a nangipatungpal dagitoy iti Oplan Taob, ken information, education, ken communication (IEC) campaigns.
Impaganetget metlaeng dagitoy ti kinapateg iti panangsurot iti 5S anti-dengue method daytoy ket ti Search ken destroy mosquito breeding places, Secure protection measures, Seek early consultation for fever lasting more than two days, Say yes to fogging during outbreaks, ken Sustain hydration.
Kabayatanna, makidkiddaw metlaeng iti publiko ti pannakitinnulong dagitoy babaen iti panagdalus tapno mailiklik dagitoy iti nasao a sakit.
