Maal-allukoy ti publiko a makipaset iti maisayangkat a job fair iti siyudad ti Baguio kagiddan ti panakarambak ti 123rd Labor Day iti pagilian inton Mayo a uno iti agdama a tawen.
Daytoy a job fair ket nationwide a maipatungpal kadagiti nagduduma a paset ti pagilian.
Para iti siudad, dagiti agbalin a venue ket ti maysa a kalatakan a mall iti siudad ken iti Baguio Convention and Cultural Center.
Open daytoy kadagiti fresh graduate, wenno kadagiti job seekers nga agsapsapol iti trabaho mapa-lokalidad wenno ballasiw-taaw.
Manamnama met nga ado a kompanya ken ahensya ti gobyerno ti ti mangidiaya iti trabaho.
Maipalpalagip kadagiti job seekers a nasken laeng nga itugotda dagiti kaskenan a dokumento kas iti birth certificate, nagduduma nga Identification card, application form, resume, passport no agturong iti ballasiw-taaw ken daduma pay.
