Aw-awisen ti probinsya ti Benguet ti publiko a makipaset iti umadanin a 124th Adivay Festival ita a tawen.
Para ita a tawen, ti tema ket “Embracing our heritage, co-creating a healthier Benguet” nu sadino mangrugi daytoy inton Nobyembre singko babaen iti kick-off program idiay Provincial capitol, La Trinidad, Benguet.
Ti Adivay festival ket tinawen nga ipatpatungpal ti probinsya iti bulan ti Nobyembre.
Sigun iti Provincial Governor’s Office, ti kangrunaan a programa ti nasao a pyesta ket ti grand parade ken cañao a maipatungpal inton November 23 a naipaayan iti kadakkelan a pondo
Imbinglay met ni Governor Melchor Diclas a manamnama ti presensya ni President Ferdinand Marcos Jr. gapu ta daytoy ti agserbi kas guest speaker iti nasao nga event.
Ngem, nu kasbilang saan a makadar-ay ti presidente, kinuna ni Governor Diclas ani Vice President Sara Duterte ti maimbitaran.
Naituding nga iti daytoy a pyesta ket maipakita ken maipabuya ti nabaknang a kultura ti probinsia ti Benguet.
Manamnama met nga ado a katao ti umatendar iti panakaipatungpal ti Cañao manipud kadagiti sangapulo ket talo a munisipalidad ti nasao a probinsya.
Kabayatanna, impasigurado ni Police Lieutenant Colonel Benson Macli-ing, hepe ti La Trinidad Municipal Police Station ti seguridad iti nasao nga event
Kinunana a mangipatungpalda iti augmentation manipud kadagiti grupo ken police force manipud iti nagduduma a munisipalidad ti probinsya.
