Maal-allukoy ti publiko nga agpasyar ken gumatang kadagiti lako dagiti distress Overseas Filipino Workers iti Igorot Garden iti siudad ti Baguio ita nga aldaw agingga inton bigat.
Mangrugi daytoy iti alas otso iti agsapa agingga iti alas sais iti malem.
Iti interview ti Bombo Radyo kenni Florence Sales, Overseas Workers Welfare Administration (OWWA) officer 2 iti siudad ti Baguio, kinunana nga agarup dua pulo nga stalls ti naipatakder sadiay no sadino nagduduma dagiti lako dagitoy kas iti makan, bado ken dadduma pay.
Sigun kenkuana, dagiti agilaklako sadiay ket dagiti distress Overseas Filipino Workers a naterminate, naapektaran iti gyera ken nakapasar iti panagabuso a naggapu sadiay Israel, Kuwait ken dadduma pay.
Dagitoy ket tinulungan ti Overseas Workers Welfare Administration (OWWA) babaen iti balik pinas balik hanapbuhay program dagitoy no sadino daytoy ket ti Overseas Filipino Workers reintegration program caravan.
Kabayatanna, innayonna pay a dagiti beneficiaries iti daytoy ket nagdalan iti proseso no sadino kasapulan nga adda iti pammaneknek kas maysa kadagiti naapektaran, kasapulan nga agaplikaren no makasangpet iti Pilipinas, kasapulan a miembro ti nasao nga opisina ken dadduma pay.
