Inkeddeng ti Office of Solicitor General (OSG) ti dagus a panangipila dagitoy iti quo warranto case kontra kenni suspended Bamban Mayor Alice Guo.
Kasaruno daytoy ti panangkumpirmar ti National Bureau of Investigation (NBI) nga agpada ti fingerprints dagitoy iti Chinese passport holder a ni Guo Hua Ping.
Sigun kenni Solicitor General Menardo Guevarra maibilang ti nasao a findings kas breakthrough agsipud ta nalawlawagan metlaeng pudpudno a pakabigbigan ni Guo pakairaman ti nasyonalidad daytoy.
Kinunana a kasapulan a rebisaren dagitoy dagiti existing drafts-da maibasar iti findings ti National Bureau of Investigation (NBI).
Kabayatanna, maipalagip nga immuna a kinumpirmar ni Senador Risa Hontiveros ti nasao a findings ti National Bureau of Investigation (NBI).
Umap-apela metlaeng ti nasao nga opisyal iti Office of Solicitor General (OSG) tapno dagus a mangipila dagitoy iti quo warranto case kontra kenni Guo.
Ti quo warranto ket maysa a ligal a proseso tapno maikkat ti kerbengan ti maysa a tao iti iggem daytoy a posisyon.//Rose
