BAGUIO CITY – Agsagsaganan ti Commission on Elections (COMELEC) Cordillera para iti pannakailukat ti opisinada nga umawat kadagiti baro nga agrehistro ken ag-update kadagiti rekordsda para iti manamnama a pannakaipatungpal ti Barangay Elections inton December 5, 2022.
Iti interview ti Bombo Radyo Baguio ken COMELEC Cordillera Deputy Speaker Atty. John Paul Martin, manamnama a mailukat inton sumaruno a lawas iti registration kadagiti interesado nga agrehistro
Malaksid iti dayta, iyaw awisna kadagiti saan a nakabotos iti kaleppas nga eleksyon gapu iti pannakadeactivate ti naganda iti listaan dagiti aktibo a botante tapnu agturung iti opisinada a mangikorektar iti rekords dagitoy
Kinunana nga atiddog a proseso ti mailatang para iti Barangay Elections isut gapu nga ibilbilinna iti saan a panang uray dagiti umili a madanon ti aldaw ti panagbobotos sakbayda a kitaen ti naganda wenno rekord dagitoy iti listaan dagiti botante.
