--Ads--
Pimmusay ti maysa a motorcycle rider kalpasan a naatalan iti paset ti Harrison Road, Baguio City itay agsapa.
Maibasar iti inisial a report a naala ti Bombo Radyo, dead on the spot ti biktima a nakalugan iti motor.
Iti inisial nga imbestigasion nga insayangkat dagiti otoridad, maysa a driver ti Public Utility Vehicle ti nakabangga iti daytoy.
Nupay kasta, imet itan dagiti otoridad ti driver kalpasan a boluntario a simmuko.
Naiturong met ita ti bangkay ti biktima iti puneraria.
Kabayatanna, kidkiddawen dagiti otoridad kadagiti addaan iti dash cam a nakaala iti insidente a makitinnulongda kadagitoy babaen iti panangipaayda iti video a makatulong iti imbestigasyon.//mp4 via Bombo Noveh Organo
