BAGUIO CITY-Nagtulnog dagiti chicken dung dealer iti closure order wenno pannakai-serra ti staging area idiay Barangay Shilan, La Trinidad Benguet itay agsapa.
Iti pannakiyuman iti Bombo radyo kenni Punong Barangay Jeffrey Maslag iti Barangay Shilan La Trinidad, kinunana a simmurot sangapulo a chicken dung dealer iti closure order nga Administrative order 008-series of 20120 nga impaulog iti lokal a gobierno iti La Trinidad Benguet.
Sigun iti opisyal, nagduduma nga staging area dagiti naipaayan iti closure order iti nasao a barangay.
Impeksa pay ti opisyal, a dagiti chicken dung dealers ket nagtaud iti nagduduma a lugar nga agbiabiahe iti nateng iti probinsya nu sadinno agserserbi a backload da dagiti chicken dung.
Innaklon pay ni Punong Barangay Jeffrey Maslag , a nabayagen a reklamo ken nangipila dagiti bumarangay iti petition kontra kadagiti staging area gapu iti saan a nasayaat nga angot nga agtataud kadagitoy.
Kinuna pay ti Punong Barangay a nabayagen nga ag-opoperate dagiti nagduduma nga staging area dagiti chicken dung dealer iti barangayda.
Kabayatanna, impeksa pay ti opisyal nga agarup tallo pulo a tawenen nga ag-opoperate dagiti nagduduma nga staging area dagiti chicken dung dealers iti barangay Shilan La Trinidad Benguet.
Nupay kasta, dagiti nakaparada a truck dagiti chicken dung dealers iti barangay Shilan ket immakarda iti Munisipyo iti Tublay gapu ta addaan ti nasao a munisipyo iti ordinansa a mangipalubos kadagiti chicken dung dealers nga agparada iti munisipyoda.
Kasaruno dayta, iti panagdawat dagiti napapnaw a chicken dung dealers iti ordinansa para iti staging area iti nasao a Barangay tapno maregulate ti angot nga agtataud manipud kadagiti chicken dung.
Maipalagip nga indeklara iti korte a “nuisance” ti panaglako iti chicken dung iti nasao a munisipyo gapu ta awan iti ordinansa a mangpalubos iti panaglako iti abono iti nasao a munisipyo.
