Pinaglibakan ti maysa nga opisial dagiti sangguyeng a napapanaw dagiti stall owners iti Maharlika livelihood center iti siudad ti Baguio.
Inyunay-unay ni Arthur Allad-iw, Administrator ti Maharlika Livelihood Center nga agalis laeng dagitoy.
Sigun kenkuana, naisayangkaten ti konsultasion kadagiti vendors no sadino, sumagmamano nga stall owners ti immakar itan iti naidisignar a relocation area dagitoy.
Dumanon ti 39 dagiti ma-relocate, pakairaman dagiti cellphone shops; fruits, food stalls ken dadduma pay.
Sigun kenni Allad-iw,naiyakar dagiti sumagmamano nga agab-abang gapu iti rekomendasyon ken naammuan ti Bureau of Fire Protection (BFP) nga “obstruction”.
Impeksa ti nasao nga opisial nga amin dagiti apektado nga agab-abang ket addaan iti temporario nga stalls iti uneg metlaeng ti nasao a pasdek.
Naipaayan dagiti vendors agingga iti Domingo, Enero 04, 2026 nga agiyakar kadagiti lako dagitoy.//via Bombo Noveh
