Impeksa ni sigud a Senator Leila de Lima a “blessing” ti saan a pinagkinaawatan ti “Uniteam” wenno ti coalition da President Ferdinand Marcos Jr. ken ti pamilya a Duterte.
Daytoy ket tapno mabalin a maibutaktak dagiti saan a nasayaat nga aramid ti napalabas nga administrasyon kasta met a wagas tapno maikkan iti tured dagiti tattao a mangipudno iti agpayso.
Maipalagip nga idi napalabas a lawas, nagsao ni Kerwin Espinosa , ti self-confessed drug lord a ni sigud a Philippine National Police chief Bato Dela Rosa ti nangpilit kenkuana nga agbalin a witness iti panakaidawit ni De Lima kas paset ti drug trade.
Gapu iti dayta, na-acquit wenno naawan ti kaso a naipila kontra kenni De Lima.
Saan met a naklaat ni De Lima iti nagbalin a testimonya ni Espinosa kasta met a maragsakan daytoy iti nasao a banag gapu ta in-inut a maisubsubli ti liberty wenno waya-waya ken respeto kenkuana.
